David Abrami - Musique

• David Abrami - Eleikha Hachem Nassati

Écouter en boucle

• Piyout : Eleikha Hachem Nassati

• אֵלֶיךָ ה' נָשָׂאתִי עֵינַי שְׁמַע קוֹל תַּחֲנוּנַי כְּגֹדֶל חַסְדֶּךָ 

  בְּשִׁמְךָ בָטַחְתִּי וְכַפַּי שִׁטַּחְתִּי דְּבָרִים לָקַחְתִּי וּבָאתִי עָדֶיךָ 

  גָּבְרוּ יְגוֹנוֹתַי וַיִּרְבּוּ אַנְחוֹתַי כִּי כָל עֲוֹנוֹתַי שַׁתָּה לְנֶגְדֶּךָ 

  דָּלְפָה מִתּוּגָה נַפְשִׁי הָעֲנוּגָה וְחַלֵּץ מִדְּאָגָה נֶפֶשׁ עַבְדֶּךָ 

  הַעֲבֵר חַטָּאתִי אֱלֹהֵי יְשׁוּעָתִי וְגַם אֶת דִּמְעָתִי שִׂימָה בְּנֹאדֶךָ 

  וּבְרֹגֶז רַחֵם זָכְרָה וְהִנָּחֵם וְשַׂמֵּחַ וְנַחֵם נֶפֶשׁ עַבְדֶּךָ 

  זְכֹר עָנְיִי וּמְרוּדִי לַעֲנָה מֵעוֹדִי עַד מָתַי לְנֶגְדִּי תְּחַדֵּשׁ עֵדֶיךָ 

  חֵרְפוּנִי צוֹרְרַי אוֹיְבַי וְשׁוֹרְרַי הַקְשֶׁב נָא אֲמָרַי בְּבֹאִי בְּפַחְדֶּךָ 

  טָמְנוּ לִי זֵדִים פַּחִים וּמְצוּדִים וּבָהֶם נִלְכָּדִים פַּעֲמֵי יְדִידֶיךָ 

  יְשִׂימוּן לִי מְצוּדִים וְשֶׁקֶר בִּי מְעִידִים בְּעָלוּנִי זֵדִים צוּר בִּלְעָדֶיךָ 

  כְּבוֹדְךָ גַּלֵּה צוּר לְעַם עָזוּב וְעָצוּר וְטוּבְךָ הַנָּצוּר תְּנָה לִשְׂרִידֶיךָ 

  לְחוּצִים בְּרֹב דֹּחַק מֵהֶם אַל תִּרְחַק זְכֹר לְאַבְרָהָם לְיִצְחָק וּלְיִשְׂרָאֵל עֲבָדֶיךָ 

  מָרוֹם מִמְּרוֹמִים רַחֵם עַל עֲגוּמִים וְעַל זֶרַע רְחוּמִים יְלִידֵי יְדִידֶיךָ 

  נוֹאֲקִים בְּבוֹר גָּלוּת בְּךָ שָׂמוּ אֱיָלוּת וְהָרֵם מִשִּׁפְלוּת גֶּזַע חֲסִידֶיךָ 

  סוֹבְלֵי עֹל תְּצַהֵל וְאוֹיְבֵיהֶם תְּבַהֵל וּכְקֶדֶם תְּנַהֵל דִּגְלֵי גְדוּדֶיךָ 

  עֲנֵה אֶת עֲתִירָתָם סְמֹךְ אֶת נְפִילָתָם וְהָשֵׁב אֶת שְׁבוּתָם מֵאַפְסֵי חֶלְדֶּךָ 

  פְּדֵה עַם לְךָ הוֹמֶה וּכְאִלֵּם דּוֹמֶה בְּגָלוּת זֶה כַמֶּה שָׂבְעוּ נְדוּדֶיךָ 

  צַדִּיק בְּמִפְעָלוֹת לְךָ נִתְכְּנוּ עֲלִילוֹת דְּלֵנוּ מִמְּצוּלוֹת לְמַעַן חֲסָדֶיךָ 

  קַבֵּץ מְפֻזָּרִים בְּכַבְלֵי צַר סְגוּרִים בְּלָעוּם אַכְזָרִים שָׂרְפוּ מוֹעֲדֶיךָ 

  רַחוּם הֱיֵה לְמִשְׁעָן לְעַם רָוֶה לַעַן וַעֲשֵׂה נָא לְמַעַן שְׁלֹשֶׁת עֲבָדֶיךָ 

  שַׁדַּי נִשְׂגַּבְתָּ בְּכָל אֲשֶׁר פָּעַלְתָּ כִּי צַדִּיק אַתָּה וְצֶדֶק מַדֶּיךָ 

  תְּכַפֵּר עֲוֹנִי כִּי שִׂבְרִי בְּךָ מַלְכִּי וְכוֹנֵן אֶת דַּרְכִּי אֱלֹהַי לְעָבְדֶּךָ 

  תִּשְׁעֶה לִתְפִלָּתִי וּלְשִׂיחַ רִנָּתִי כִּי אַתָּה תִקְוָתִי וּמִי לֹא יְעִידֶךָ



• Publiée le : 2021-08-25 22:10:35

Tendance

David Shiro - Simhat Hayim

Yossef Obadia - Birkhot Keriat Shema Arvit Yom Tov (rite Tunis)

Yossef Obadia - Tikoun Hagueshem (rite Tunis)

Yossef Obadia - Hochaanot Hochaana Rabba (rite Tunis)

Benyamin & Ron Haddad - Hallel Complet (rite Djerba)

Eliezer Hejaje - Hachem Hou Haelokim (5785)

Eric Bellaiche - Hallel Yom Tov (rite Tunis)

David Shiro - Ma Hachem Shoel Mimakh